На Главную E-mail
       
 
Нескучный сад 5-6 (88)
   
 
Архив по номерам   Редакция   Контактная информация
   

По благословению Святейшего Патриарха Московского и всея Руси Алексия II

Нескучный сад - Журнал о православной жизни
+7 (495) 912-91-19
 
 
 
Разделы сайта
 
Дополнительно:
 Фраза полностью
 Любое из слов
 Во всех полях
 Только в заголовках
 
  Жизнь в Церкви №0'0000

Богослужебные тексты для общего народного пения: Неделя ТОРЖЕСТВА ПРАВОСЛАВИЯ, глас 4 (8-9 марта 2014)


Версия для печати
07.03.14, 12:30

Размещаем текст для общего народного пения к субботней всенощной и воскресной литургии

Икона «Торжество Православия», XIV век, Британский музей, Лондон

ОСНОВНЫЕ ТЕКСТЫ СЛУЖБЫ И ПЕСНОПЕНИЯ ДЛЯ ОБЩЕНАРОДНОГО ПЕНИЯ
Неде́ля пе́рвая Вели́кого поста́, глас 4
Торжество́ Правосла́вия
Пе́рвое и второ́е Обре́тение главы́ Иоа́нна Предте́чи
ВСЕНОЩНОЕ БДЕНИЕ
Блажен муж, иже не иде на совет нечестивых. Аллилуиа, Аллилуиа, Аллилуиа
Яко весть Господь путь праведных и путь нечестивых погибнет. Аллилуиа (трижды)
Работайте Господеви со страхом и радуйтеся Ему с трепетом. Аллилуиа (трижды)
Блажени вси надеющиеся нань. Аллилуиа (трижды)
Воскресни, Господи, спаси мя, Боже мой. Аллилуиа (трижды)
Господне есть спасение и на людех Твоих благословение Твое. Аллилуиа (трижды)
Слава, И ныне: Аллилуиа (трижды)
Аллилуиа, Аллилуиа, Аллилуиа. Слава Тебе, Боже (трижды)

СТИХИРЫ на Господи воззвах:
Го́споди, воззва́х к Тебе́, услы́ши мя./ Услы́ши мя, Го́споди. Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди. Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди. Изведи́ из темни́цы ду́шу мою́,// испове́датися и́мени Твоему́.
[Стихиры ВОСКРЕСНЫЕ, глас 4]:
Животворя́щему Твоему́ Кресту́,/ непреста́нно кла́няющеся, Христе́ Бо́же,/ тридне́вное Воскресе́ние Твое́ сла́вим:/ тем бо обнови́л еси́ истле́вшее челове́ческое естество́, Всеси́льне,/ и и́же на Небеса́ восхо́д обнови́л еси́ нам,// я́ко Еди́н Благ и Человеколю́бец.
Мене́ ждут пра́ведницы,// до́ндеже возда́си мне.
Дре́ва преслуша́ния запреще́ние/ разреши́л еси́, Спа́се,/ на дре́ве кре́стнем во́лею пригвозди́вся,/ и во ад соше́д, Си́льне,/ сме́ртныя у́зы, я́ко Бог, растерзал еси́./ Те́мже кла́няемся е́же из ме́ртвых Твоему́ Воскресе́нию,/ ра́достию вопию́ще:// Всеси́льне Го́споди, сла́ва Тебе́.
Из глубины́ воззва́х к Тебе́, Го́споди,// Го́споди, услы́ши глас мой.
Врата́ а́дова сокруши́л еси́, Го́споди,/ и Твое́ю сме́ртию сме́ртное ца́рство разруши́л еси́:/ род же челове́ческий от истле́ния свободи́л еси́,/ живо́т и нетле́ние ми́ру дарова́в,// и ве́лию ми́лость.
Глас 6: Да бу́дут у́ши Твои́// вне́млюще гла́су моле́ния моего́.
[Стихи́ры Постной Трио́ди]:
Тя непостижи́маго, пре́жде денни́цы/ безнача́льно из Невеще́ственнаго возсия́вшаго,/ безпло́тнаго же чре́ва Роди́телева,/ проро́цы Го́споди, Твои́м Ду́хом вдохнове́ни,/ прореко́ша Отроча́ бы́ти,/ из Неискусобра́чныя воплоща́ема,/ челове́ком совокупля́ема,/ и су́щими на земли́ зри́ма,/ и́миже я́ко ще́дрый/ просвеще́ния сподо́би Твоего́,/ воспева́ющих неизрече́нное,// и честно́е Твое́ Воскресе́ние.
А́ще беззако́ния на́зриши, Го́споди, Го́споди, кто постои́т?// Я́ко у Тебе́ очище́ние е́сть.
Сло́вом Тя пропове́давшии/ богоглаго́ливии проро́цы,/ и де́лы поче́тшии,/ безконе́чную жизнь приплоди́ша,/ тва́ри бо Влады́ко, па́че Тебе́ Соде́теля,/ служи́ти не претерпе́вше,/ ми́ра всего́ ева́нгельски отврати́шася,/ и сообра́зни бы́ша стра́сти Твое́й,/ ю́же провозвести́ша,/ и́хже моли́твами,/ сподо́би непоро́чно прейти́/ воздержа́ния по́прище,// еди́не Многоми́лостиве.
И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́,// упова́ душа́ моя́ на Го́спода.
Естество́м неопи́санный Боже́ственным Твои́м сый,/ на после́дняя Влады́ко вопло́щься,/ изво́лил еси́ описова́тися,/ пло́ти бо прия́тием, и сво́йства вся сея́ взял еси́./ Те́мже вид Твой образова́ния опису́ющии/ любе́зно целу́ем,/ к Твое́й любви́ возвыша́еми,/ и исцеле́ний благода́ть почерпа́ем из него́,/ апо́стольским после́дующе// Боже́ственным преда́нием.
От стра́жи у́тренния до но́щи, от стра́жи у́тренния,// да уповае́т Изра́иль на Го́спода.
Пречестно́е украше́ние Христо́ва Це́рковь,/ честны́х прия́т и святы́х ико́н,/ Спа́са Христа́ и Богома́тере,/ и всех святы́х светле́йшее возставле́ние,/ и́мже просвеща́ется, и красу́ется благода́тию,/ и со́нмище отлага́ет ерети́ческое изгоня́щи,/ и ра́дующися сла́вит человеколю́бца Бо́га,// ея́ ра́ди претерпе́вша стра́сти во́льныя.
Глас 5: Я́ко у Го́спода ми́лость, и мно́гое у Него́ избавле́ние,// и Той изба́вит Изра́иля от всех беззако́ний eго́.
[Стихи́ры Предте́чи]:
Ра́дуйся, свяще́нная главо́, и светоно́сная,/ и А́нгелом гове́йная,/ я́же мече́м отсе́чена дре́вле,/ и о́стрыми обличе́ньми нечистоты́ студ посе́кшая,/ исто́чник чуде́с, ве́рныя напая́юща,/ и я́же Спа́сово спаси́тельное прише́ствие возвести́вшая,/ и наи́тие Ду́ха дре́вле уви́девшая,/ к Сему́ все́льшаяся,/ ве́тхой же и но́вой хода́тайствовавшая благода́ти.// Христа́ умоли́ душа́м на́шим дарова́ти ве́лию ми́лость.
Хвали́те Го́спода вси язы́цы,// похвали́те Его́ вси лю́дие.
В сосу́де скуде́льне сокрове́нная иногда́/ Предте́чева глава́ яви́ся,/ от земны́х недр изда́вшаяся я́вственне/ и чуде́с струи́ источа́ющая,/ и́бо в вода́х главу́ омы́,/ превы́спренняя ны́не покрыва́ющего вода́ми/ и одождя́ющаго челове́ком Боже́ственное оставле́ние./ Сию́ у́бо ублажи́м, и́стинно пресла́вну,/ и в сея́ обре́тении ра́достно пра́зднуем,// Христа́ моля́ще дарова́ти душа́м на́шим ве́лию ми́лость.
Я́ко утверди́ся ми́лость Его́ на нас,// и и́стина Госпо́дня пребыва́ет во век.
Глава́, я́же А́гнца Бо́жия пропове́давшая,/ пло́тию я́вльшагося,/ и всем покая́ния спасе́нныя пути́ Боже́ственными за́поведьми извести́вшая,/ я́же пре́жде И́родово законопреступле́ние обличи́вшая/ и сего́ ра́ди отсе́чена от телесе́,/ и на вре́мя подъе́мшая сокрове́ние,/ я́коже светоявле́нное нам возсия́ со́лнце,/ пока́йтеся – вопию́щая – и ко Христу́ ны́не предложи́теся во умиле́нии душе́внем,// подаю́щему ми́ру ве́лию ми́лость.
Сла́ва Отцу́ и Сы́ну и Свято́му Ду́ху.
[Стихи́ра Трио́ди, глас 2]:
Благода́ть возсия́ и́стины,/ прообразу́емая дре́вле сено́вно,/ ны́не явле́нно сконча́ся:/ се бо Це́рковь воплоще́нным о́бразом Христо́вым,/ я́ко прекра́сною у́тварию облачи́тся,/ ски́нии свиде́ния о́браз пронапису́ющи,/ и правосла́вную ве́ру содержа́щи,/ да его́же почита́ем,/ сего́ и о́браз держа́ще, не прельща́емся,/ да облеку́тся в студ си́це неве́рующии,/ нам бо сла́ва зрак Воплоти́вшагося/ благоче́стно покланя́емый, не боготвори́мый./ Той облобыза́юще ве́рнии возопии́м:// Бо́же, спаси́ лю́ди Твоя́, и благослови́ достоя́ние Твое́.
И ны́не, и при́сно, и во ве́ки веко́в. Ами́нь.
[Догматик, глас 4]:
И́же Тебе́ ра́ди богооте́ц проро́к Дави́д/ пе́сненно о Тебе́ провозгласи́,/ вели́чия Тебе́ Сотво́ршему:/ предста́ Цари́ца одесну́ю Тебе́./ Тя бо Ма́терь, Хода́таицу Живота́ показа́,/ без отца́ из Тебе́ вочелове́читися Благоволи́вый Бог,/ да Свой па́ки обнови́т о́браз, истле́вший страстьми́,/ и заблу́ждшее горохи́щное обре́т овча́,/ на ра́мо восприи́м, к Отцу́ принесе́т,/ и Своему́ хоте́нию,/ с Небе́сными совокупи́т Си́лами,/ и спасе́т, Богоро́дице, мир,// Христо́с име́яй ве́лию и бога́тую ми́лость.

Све́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.

Прокимен, глас 6: Госпо́дь воцари́ся, / в ле́поту облече́ся.
Стихи: Облече́ся Госпо́дь в си́лу, и препоя́сася
И́бо утверди́ вселе́нную, я́же не подви́жится
До́му Твоему́ подоба́ет святы́ня, Го́споди, в долготу́ дний.

Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь. Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми. Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

СТИХИРЫ на стиховне [воскресные]:
Го́споди, восше́д на Крест, / пра́деднюю на́шу кля́тву потреби́л еси́,/ и соше́д во ад,/ ве́чныя у́зники свободи́л еси́,/ нетле́ние да́руя челове́ческому ро́ду,/ сего́ ра́ди пою́ще сла́вим// Животворя́щее и Спаси́тельное Твое́ Воста́ние.
Госпо́дь воцари́ся,/ в ле́поту облече́ся.
Пове́шен на дре́ве, Еди́не Си́льне,/ всю тварь поколеба́л еси́:/ положе́н же во гро́бе,/ живу́щия во гробе́х воскреси́л еси́,/ нетле́ние и жизнь да́руя челове́ческому ро́ду./ Те́мже пою́ще, сла́вим// тридне́вное Твое́ Воста́ние.
И́бо утверди́ вселе́нную,/ я́же не подви́жется.
Лю́дие беззако́ннии, Христе́,/ Тебе́, преда́вше Пила́ту, распя́ти осуди́ша,/ неблагода́рнии о Благоде́теле яви́вшеся./ Но во́лею претерпе́л еси́ погребе́ние:/ самовла́стно воскре́сл еси́ тридне́вно, я́ко Бог,// да́руя нам безконе́чный живо́т, и ве́лию ми́лость.
До́му Твоему́ подоба́ет святы́ня,/ Го́споди, в долготу́ дний.
Со слеза́ми жены́ доше́дша гро́ба, Тебе́ иска́ху,/ не обре́тша же, рыда́юща с пла́чем вопию́ща глаго́лаху:/ увы́ нам, Спа́се наш Царю́ всех,/ ка́ко укра́ден был еси́;/ ко́е же ме́сто держи́т Живоно́сное Те́ло Твое́?/ А́нгел же к ним отвещава́ше, не пла́чите, глаго́лет,/ но ше́дша пропове́дите, я́ко воскре́се Госпо́дь,// подая́ нам ра́дость, я́ко Еди́н Благоутро́бен.
Сла́ва Отцу́ и Сы́ну и Свято́му Ду́ху.
[Стихи́ра Предте́чи, глас 2]:
Я́коже Боже́ственных умышле́ний всечестна́я ра́ка,/ Неизрече́ннаго Существа́ я́сно прови́девшая та́инство, глава́ твоя́,/ я́ко от ложе́сн ма́терних, от сокро́вищ земны́х днесь возсия́,/ Иоа́нне всехва́льне,/ и облагово́ни всю подсо́лнечную, освяще́ния пролива́ющая ми́ро,/ и мы́сленно пропове́дающая путь покая́ния,// и Спа́су всех моля́щаяся о душа́х на́ших.
И ны́не, и при́сно, и во ве́ки веко́в. Ами́нь.
[Стихи́ра Трио́ди, глас 2]:
Из нече́стия во благоче́стие преше́дше,/ и све́том ра́зума просвети́вшеся,/ псало́мски рука́ми воспле́щим,/ благода́рственно хвалу́ Бо́гу принося́ще,/ и на стена́х, и дсках, и на свяще́нных сосу́дех,/ начерта́нным свяще́нным образо́м Христо́вым,/ и Пречи́стыя, и всех святы́х,/ че́стно поклони́мся, отлага́юще злоче́стную злосла́вных ве́ру,/ [честь бо о́браза, я́коже глаго́лет Васи́лий, на первообра́зное прехо́дит,]/ прося́ще моли́твами Пречи́стыя Твоея́ Ма́тере, Христе́ Бо́же наш, и всех святы́х,// дарова́ти нам ве́лию ми́лость.

Ны́не отпуща́еши раба́ Твоего́, Влады́ко,/ по глаго́лу Твоему́, с ми́ром;/ я́ко ви́деста о́чи мои́ спасе́ние Твое́,/ е́же еси́ угото́вал пред лице́м всех люде́й,/ свет во открове́ние язы́ков,// и сла́ву люде́й Твои́х Изра́иля.

Богоро́дице Де́во, ра́дуйся,/ Благода́тная Мари́е, Госпо́дь с Тобо́ю:/ благослове́на Ты в жена́х/ и благослове́н Плод чре́ва Твоего́,// яко Спа́са родила́ еси душ на́ших. (дважды)

Тропарь Трио́ди, глас 2:
Пречи́стому О́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же,/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси, от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,// прише́дый спасти́ мир.

Псало́м 33:
Благословлю́ Го́спода на вся́кое вре́мя,/ вы́ну хвала́ Его́ во усте́х мои́х.
О Го́споде похва́лится душа́ моя́,/ да услы́шат кро́тцыи, и возвеселя́тся.
Возвели́чите Го́спода со мно́ю,/ и вознесе́м И́мя Его́ вку́пе.
Взыска́х Го́спода, и услы́ша мя,/ и от все́х скорбе́й мои́х изба́ви мя.
Приступи́те к Нему́, и просвети́теся,/ и ли́ца ва́ша не постыдя́тся.
Сей ни́щий воззва́, и Госпо́дь услы́ша и,/ и от все́х скорбе́й его́ спасе́ и.
Ополчи́тся а́нгел Госпо́день о́крест боя́щихся Его́,/ и изба́вит их.
Вкуси́те и ви́дите, я́ко благ Госпо́дь:/ блаже́н муж, и́же упова́ет Нань.
Бо́йтеся Го́спода, вси́ святи́и Его́,/ я́ко несть лише́ния боя́щимся Его́.
Бога́тии обнища́ша и взалка́ша:/ взыска́ющии же Го́спода// не лиша́тся вся́каго бла́га.
КОНЕЦ ВЕЧЕРНИ. НАЧАЛО УТРЕНИ
(выключается свет, читается шестопсалмие: 3, 37, 62, 87, 102, 142 псалмы)
Бог Господь, и явися нам, благословен грядый во имя Господне

Тропарь воскресный, глас 4 (дважды):
Све́тлую Воскресе́ния про́поведь/ от А́нгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся смерть,/ воскре́се Христо́с Бог,// да́руяй ми́рови ве́лию ми́лость.
СЛАВА: Тропа́рь Предте́чи, глас 4:
От земли́ возсия́вши, Предте́чева глава́/ лучи́ испуща́ет нетле́ния ве́рным исцеле́ний,/ свы́ше собира́ет мно́жество А́нгел,/ до́ле же созыва́ет челове́ческий род,// единогла́сную возсыла́ти сла́ву Христу́ Бо́гу.
И НЫНЕ: Тропа́рь Трио́ди, глас 2:
Пречи́стому О́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же,/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси, от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,// прише́дый спасти́ мир.
Далее читаются кафизмы
(по уставу положено читать 2 кафизмы, но в разных храмах в зависимости от традиции, чтение псалтири может быть сокращено до нескольких псалмов или вовсе пропущено)
Тропари "по непорочных", глас 5:
Благословен еси, Господи, научи мя оправданием Твоим.
Ангельский собор удивися, / зря Тебе в мертвых вменившася, / смертную же, Спасе, крепость разоривша, / и с Собою Адама воздвигша, / и от ада вся свобождша.
Благословен еси, Господи, научи мя оправданием Твоим.
Почто мvра с милостивными слезами, / о ученицы, растворяете? / Блистаяйся во гробе Ангел мvроносицам вещаше: / видите вы гроб и уразумейте, / Спас бо воскресе от гроба.
Благословен еси, Господи, научи мя оправданием Твоим.
Зело рано мvроносицы течаху / ко гробу Твоему рыдающия, / но предста к ним Ангел и рече: / рыдания время преста, не плачите, / воскресение же апостолом рцыте.
Благословен еси, Господи, научи мя оправданием Твоим.
Мvроносицы жены с мvры пришедшия / ко гробу Твоему, Спасе, рыдаху, / Ангел же к ним рече, глаголя: / что с мертвыми живаго помышляете? / Яко Бог бо, воскресе от гроба.
СЛАВА: Поклонимся Отцу / и Его Сынови, и Святому Духу, / Святей Троице во едином существе, / с Серафимы зовуще: / Свят, Свят, Свят еси, Господи.
И НЫНЕ: Жизнодавца рождши, / греха, Дево, Адама избавила еси, / радость же Еве / в печали место подала еси, / падшия же от жизни / к сей направи / из Тебе воплотивыйся Бог и Человек.

ПРОКИМЕН, глас 4: Воскресни́, Го́споди, помози́ нам/ и изба́ви нас и́мене Твоего́ ра́ди.
Стих: Бо́же, уши́ма на́шима услы́шахом, и отцы́ на́ши возвести́ша нам.
Всякое дыхание / да хвалит Господа.
Стих: Хвалите Бога во святых Его, хвалите Его в утвержении силы Его.

ЕВАНГЕЛИЕ от Луки (гл. 24: 1–12) (перевод на русский язык)
В то время, в первый день недели, очень рано, пришли жены ко гробу, неся приготовленные ароматы, и вместе с ними некоторые другие; но нашли камень отваленным от гроба. И, войдя, не нашли тела Господа Иисуса. Когда же недоумевали они о сем, вдруг предстали перед ними два мужа в одеждах блистающих. И когда они были в страхе и наклонили лица свои к земле, сказали им: что вы ищете живого между мертвыми? Его нет здесь: Он воскрес; вспомните, как Он говорил вам, когда был еще в Галилее, сказывая, что Сыну Человеческому надлежит быть преданным в руки человеков грешников, и быть распятым, и в третий день воскреснуть. И вспомнили они слова Его; и, возвратившись от гроба, возвестили всё это одиннадцати и всем прочим. То были Магдалина Мария, и Иоанна, и Мария, мать Иакова, и другие с ними, которые сказали о сем Апостолам. И показались им слова их пустыми, и не поверили им. Но Петр, встав, побежал ко гробу и, наклонившись, увидел только пелены лежащие, и пошел назад, дивясь сам в себе происшедшему.

Воскресе́ние Христо́во ви́девше, поклони́мся Святому Господу Иисусу, единому безгрешному. Кресту Твоему покланяемся, Христе, и святое Воскресение Твое пое́м и сла́вим. Ты бо еси Бог наш, ра́зве Тебе ино́го не зна́ем, Имя Твое имену́ем. Приидите, вси ве́рнии, поклони́мся святому Христову Воскресению; се бо прии́де Кресто́м радость всему миру; всегда́ благословя́ще Господа, пое́м Воскресение Его, распятие бо претерпе́в, смертию смерть разруши́.

СЛАВА:
Покая́ния отве́рзи ми две́ри Жизнода́вче,/ у́тренюет бо дух мой ко хра́му свято́му Твоему́,/ храм нося́й теле́сный весь оскверне́н:/ но я́ко щедр, очи́сти// благоутро́бною Твое́ю ми́лостию.
И НЫНЕ:
На спасе́ния стези́ наста́ви мя Богоро́дице,/ сту́дными бо окаля́х ду́шу грехми́,/ и в ле́ности все житие́ мое́ ижди́х:/ но Твои́ми моли́твами/ изба́ви мя от вся́кия нечистоты́.
Поми́луй мя, Бо́же,/ по вели́цей ми́лости Твое́й,/ и по мно́жеству щедро́т Твои́х// очи́сти беззако́ние мое́. Мно́жества соде́янных мно́ю лю́тых, помышля́я окая́нный,/ трепе́щу стра́шнаго дне су́днаго:/ но наде́яся на ми́лость благоутро́бия Твоего́,/ я́ко Дави́д вопию́ Ти:/ поми́луй мя Бо́же// по вели́цей Твое́й ми́лости.

КАНОН:
(ирмосы канона, читаемого с начала помазания прихожан елеем, в песнях которого раскрывается смысл и красота празднуемых сегодня Церковью событий)
Песнь 1: Мо́ря чермну́ю пучи́ну/ невла́жными стопа́ми/ дре́вний пешеше́ствовав Изра́иль,/ крестообра́зныма Моисе́овыма рука́ма// Амали́кову си́лу в пусты́ни победи́л есть.
…читаются тропари канонов воскресения, Пресвятой Богородицы и Постной Триоди со своими припевами…Песнь 3: Весели́тся о Тебе́ Це́рковь Твоя́, Христе́, зову́щи:/ Ты моя́ кре́пость, Го́споди,// и прибе́жище, и утвержде́ние.
Кондак Предтечи, глас 2: Проро́че Бо́жий и Предте́че благода́ти,/ главу́ твою́, я́ко ши́пок свяще́ннейший, от земли́ обре́тше,/ исцеле́ния всегда́ прие́млем,// и́бо па́ки, я́коже пре́жде, в ми́ре пропове́дуеши покая́ние.Песнь 4: Вознесе́на Тя ви́девши Це́рковь на Кресте́,/ Со́лнце Пра́ведное,/ ста в чи́не свое́м,/ досто́йно взыва́ющи:// сла́ва си́ле Твое́й, Го́споди.Песнь 5: Ты, Го́споди мой,/ Свет в мир прише́л еси́,/ Свет Святы́й, обраща́яй из мра́чна неве́дения// ве́рою воспева́ющия Тя.
Песнь 6: Пожру́ Ти со гла́сом хвале́ния, Го́споди,/ Це́рковь вопие́т Ти,/ от бесо́вския кро́ве очи́щшися/ ра́ди ми́лости от ребр Твои́х// исте́кшею Кро́вию.
Кондак Триоди Постной, глас 2: Неопи́санное Сло́во О́тчее,/ из Тебе́, Богоро́дице, описа́ся воплоща́емь,/ и оскве́рншийся о́браз в дре́внее вообрази́в,/ Боже́ственною добро́тою смеси́,/ но испове́дающе спасе́ние,// де́лом и сло́вом, сие́ вообража́ем.
Песнь 7: В пещи́ Авраа́мстии о́троцы перси́дстей,/ любо́вию благоче́стия па́че,/ не́жели пла́менем, опаля́еми, взыва́ху:// благослове́н еси́ в хра́ме сла́вы Твоея́, Го́споди.
Песнь 8: Ру́це распросте́р Дании́л,/ львов зия́ния в ро́ве затче́,/ о́гненную же си́лу угаси́ша,/ доброде́телию препоя́савшеся,/ благоче́стия рачи́тели, о́троцы, взыва́юще:// благослови́те, вся дела́ Госпо́дня, Го́спода.
Песнь Пресвятой Богородицы:
Величит душа Моя Господа / и возрадовася дух Мой о Бозе Спасе Моем.
Честнейшую Херувим / и славнейшую без сравнения Серафим, / без истления Бога Слова рождшую, /
сущую Богородицу, Тя величаем.
Яко призре на смирение рабы Своея, / се бо, от ныне ублажат Мя вси роди. Яко сотвори Мне величие Сильный, и свято имя Его, и милость Его в роды родов боящимся Его. Сотвори державу мышцею Своею, / расточи гордыя мыслию сердца их. Низложи сильныя со престол, и вознесе смиренныя, алчущия исполни благ, и богатящияся отпусти тщи. Восприят Израиля отрока Своего, / помянути милости, / якоже глагола ко отцем нашим, / Аврааму и семени его даже до века.
Песнь 9: Ка́мень нерукосе́чный/ от несеко́мыя горы́ Тебе́, Де́во,/ краеуго́льный отсече́ся,/ Христо́с, совокупи́вый разстоя́щаяся естества́.// Тем веселя́щеся Тя, Богоро́дице, велича́ем.

После канона:
СТИХИРЫ на хвалитех [воскресные]:
Вся́кое дыха́ние да хва́лит Го́спода. Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу. Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу. Сотвори́ти в них суд напи́сан:/ сла́ва сия́ бу́дет всем преподо́бным Его́.
Крест претерпе́вый и смерть,/ и воскресы́й из ме́ртвых, Всеси́льне Го́споди,// сла́вим Твое́ Воскресе́ние.
Хвали́те Бо́га во святы́х Его́,/ хвали́те Его́ в утверже́нии си́лы Его́.
Кресто́м Твои́м, Христе́,/ от дре́вния кля́твы свободи́л еси́ нас,/ и сме́ртию Твое́ю/ естество́ на́ше му́чащаго диа́вола упраздни́л еси́:/ воста́нием же Твои́м ра́дости вся испо́лнил еси́./ Те́мже вопие́м Ти:// воскресы́й из ме́ртвых, Го́споди, сла́ва Тебе́.
Хвали́те Его́ на си́лах Его́,/ хвали́те Его́ по мно́жеству вели́чествия Его́.
Твои́м Кресто́м, Христе́ Спа́се,/ наста́ви нас на и́стину Твою́,/ и изба́ви нас от се́тей вра́жиих,/ воскресы́й из ме́ртвых,/ возста́ви ны па́дшыяся грехо́м,/ просте́р ру́ку Твою́, Человеколю́бче Го́споди,// моли́твами святы́х Твои́х.
Хвали́те Его́ во гла́се тру́бнем,/ хвали́те Его́ во псалти́ри и гу́слех.
Оте́ческих Твои́х недр не разлучи́вся,/ Единоро́дный Сло́ве Бо́жий,/ прише́л еси́ на зе́млю за человеколю́бие,/ Челове́к быв непрело́жен,/ и крест и смерть претерпе́л еси́ пло́тию,/ безстра́стный Божество́м:/ воскре́с же из ме́ртвых,/ безсме́ртие по́дал еси́ ро́ду челове́ческому,// я́ко Еди́н Всеси́лен.
Хвали́те Его́ в тимпа́не и ли́це,/ хвали́те Его́ во стру́нах и орга́не.
Смерть прия́л еси́ пло́тию,/ нам безсме́ртие хода́тайствуя, Спа́се,/ и во гроб всели́лся еси́,/ да нас от а́да свободи́ши, воскреси́в с Собо́ю:/ пострада́ у́бо я́ко челове́к,/ но воскре́с, я́ко Бог./ Сего́ ра́ди вопие́м:/ сла́ва Тебе́, Жизнода́вче Го́споди,// Еди́не Человеколю́бче.
Глас 4: Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.
[Стихи́ры Трио́ди]:
В Тебе́ ны́не ра́дуется Це́рковь, Человеколю́бче,/ Женисе́ и Созда́теле свое́м,/ сию́ во́лею Боголе́пною/ от и́дольския ле́сти изба́вльшем,/ и Себе́ обручи́вшем честно́ю кро́вию,/ све́тло прие́млющи свяще́нное возставле́ние ико́н,// и ра́дующися Тя пое́т, и сла́вит ве́рно.
Испове́мся Тебе́ Го́споди, всем се́рдцем мои́м,/ пове́м вся чудеса́ Твоя́.
Пло́ти изображе́ние Твое́ возставля́юще, Го́споди,/ любе́зно лобыза́ем,/ вели́кое та́инство смотре́ния Твоего́ изъясня́юще:/ не мне́нием бо, я́коже глаго́лют богобо́рнии де́ти Ма́нентовы,/ нам яви́лся еси́, Человеколю́бче,/ но и́стиною и естество́м пло́ти,// Тобо́ю возводи́ми к Твое́й любви́, и жела́нию.
Возвеселю́ся и возра́дуюся о Тебе́,/ пою́ и́мени Твоему́, Вы́шний.
День ра́достный, и весе́лия испо́лненный яви́ся днесь:/ све́тлость бо догма́т и́стиннейших блиста́ет,/ и сия́ет Це́рковь Христо́ва/ укра́шена возставле́ньми ико́н святы́х ны́не,/ и изображе́ний сия́ньми,// и единомы́слие быва́ет ве́рных Богопочте́нное.
СЛАВА: Моисе́й во вре́мя воздержа́ния/ зако́н прия́т, и лю́ди привлече́;/ Илия́ пости́вся небеса́ заключи́;/ трие́ же о́троцы Авраа́мстии,/ мучи́теля беззако́ннующа поще́нием победи́ша./ И́мже и нас, Спа́се, сподо́би/ Воскресе́ние улучи́ти, си́це вопию́щих:// Святы́й Бо́же, Святы́й Кре́пкий, Святы́й Безсме́ртный, поми́луй нас.
И НЫНЕ: Преблагослове́нна еси́, Богоро́дице Де́во,/ Вопло́щшим бо ся из Тебе́ ад плени́ся,/ Ада́м воззва́ся,/ кля́тва потреби́ся,/ Е́ва свободи́ся,/ сме́рть умертви́ся, и мы ожи́хом./ Тем воспева́юще вопие́м:/ благослове́н Христо́с Бог,// благоволи́вши та́ко, сла́ва Тебе́.
ОСНОВНЫЕ ТЕКСТЫ СЛУЖБЫ И ПЕСНОПЕНИЯ ДЛЯ ОБЩЕНАРОДНОГО ПЕНИЯ
Неде́ля пе́рвая Вели́кого поста́, глас 4
Торжество́ Правосла́вия
Пе́рвое и второ́е Обре́тение главы́ Иоа́нна Предте́чи
ЛИТУРГИЯ
свт. Василия Великого
1-й антифон:
Благослови, душе моя, Господа, Благословен еси, Господи.
Благослови, душе моя, Господа, и вся внутренняя моя, имя святое Его.
Благослови, душе моя, Господа, и не забывай всех воздаяний Его.
Очищающаго вся беззакония твоя, исцеляющаго вся недуги твоя.
Избавляющаго от истления живот твой, венчающаго тя милостию и щедротами.
Исполняющаго во благих желание твое: обновится яко орля юность твоя.
Щедр и милостив Господь, долготерпелив и многомилостив.
Благослови, душе моя, Господа, и вся внутренняя моя, имя святое Его.
Благословен еси, Господи.

2-й антифон:
Хвали, душе моя, Господа.
Восхвалю Господа в животе моем, пою Богу моему, дондеже есмь.
Не надейтеся на князи, на сыны человеческия, в них же несть спасения.
Изыдет дух его, и возвратится в землю свою: в той день погибнут вся помышления его.
Блажен, емуже Бог Иаковль помощник его, упование его на Господа Бога своего,
сотворшаго небо и землю, море и вся, яже в них;
хранящаго истину в век, творящего суд обидимым, дающаго пищу алчущим.
Господь решит окованныя; Господь умудряет слепцы;
Господь возводит низверженныя; Господь любит праведники;
Господь хранит пришельцы, сира и вдову приимет, и путь грешных погубит.
Воцарится Господь во век. Бог твой, Сионе, в род и род.
Единородный Сыне, и Слове Божий, безсмертен Сый, и изволивый спасения нашего ради воплотитися от святыя Богородицы и Приснодевы Марии, непреложно вочеловечивыйся, распныйся же Христе Боже, смертию смерть поправый, Един Сый Святыя Троицы, спрославляемый Отцу и Святому Духу, спаси нас.

Блаженны:
Во Царствии Твоем помяни нас, Господи, егда приидеши во Царствии Твоем.
Блажени нищии духом, яко тех есть Царство Небесное.
Блажени плачущии, яко тии утешатся.
Блажени кротцыи, яко тии наследят землю.
Блажени алчущии и жаждущии правды, яко тии насытятся.
Блажени милостивии, яко тии помиловани будут.
Блажени чистии сердцем, яко тии Бога узрят.
Блажени миротворцы, яко тии сынове Божии нарекутся.
Блажени изгнани правды ради, яко тех есть Царство Небесное.
Блажени есте, егда поносят вам, и ижденут, и рекут всяк зол глагол на вы лжуще, Мене ради
Радуйтеся и веселитеся, яко мзда ваша многа на небесех.

Во время малого входа с Евангелием:
Приидите, поклонимся и припадем ко Христу.
Спаси ны, Сыне Божий, воскресый из мертвых, поющия Ти: Аллилуия.

Тропа́рь воскре́сный, глас 4:
Све́тлую Воскресе́ния про́поведь/ от А́нгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся смерть,/ воскре́се Христо́с Бог,// да́руяй ми́рови ве́лию ми́лость.

Тропа́рь Трио́ди Постной, глас 2:
Пречи́стому О́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же,/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси, от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,// прише́дый спасти́ мир.

Кондак Предте́чи, глас 4:
От земли́ возсия́вши, Предте́чева глава́/ лучи́ испуща́ет нетле́ния ве́рным исцеле́ний,/ свы́ше собира́ет мно́жество А́нгел,/ до́ле же созыва́ет челове́ческий род,// единогла́сную возсыла́ти сла́ву Христу́ Бо́гу.

Кондак воскре́сный, глас 4:
Спас и Изба́витель мой/ из гро́ба, я́ко Бог, воскреси́ от уз земноро́дныя,/ и врата́ а́дова сокруши́,/ и я́ко Влады́ка// воскре́се тридне́вен.

Кондак Предте́чи, глас 2:
Проро́че Бо́жий и Предте́че благода́ти,/ главу́ твою́, я́ко ши́пок свяще́ннейший, от земли́ обре́тше,/ исцеле́ния всегда́ прие́млем,/ и́бо па́ки, я́коже пре́жде, в ми́ре пропове́дуеши покая́ние.

Конда́к Трио́ди Постной, глас 2:
Неопи́санное Сло́во О́тчее,/ из Тебе́, Богоро́дице, описа́ся воплоща́емь,/ и оскве́рншийся о́браз в дре́внее вообрази́в,/ Боже́ственною добро́тою смеси́,/ но испове́дающе спасе́ние,// де́лом и сло́вом, сие́ вообража́ем.

Прокимен, глас 4: Благослове́н еси́ Го́споди Бо́же оте́ц на́ших,/ и хва́льно и просла́влено и́мя Твое́ во ве́ки.
Стих: Я́ко пра́веден еси́ о всех, я́же сотвори́л еси́ нам.
Прокимен, глас 7: Возвесели́тся пра́ведник о Го́споде/ и упова́ет на Него́.

К Еверям послание святого апостола Павла (гл.11:24–26; 32–12:2) [рядовое]:
Братия, верою Моисей, придя в возраст, отказался называться сыном дочери фараоновой, и лучше захотел страдать с народом Божиим, нежели иметь временное греховное наслаждение, и поношение Христово почел большим для себя богатством, нежели Египетские сокровища; ибо он взирал на воздаяние. И что еще скажу? Недостанет мне времени, чтобы повествовать о Гедеоне, о Вараке, о Самсоне и Иеффае, о Давиде, Самуиле и (других) пророках, которые верою побеждали царства, творили правду, получали обетования, заграждали уста львов, угашали силу огня, избегали острия меча, укреплялись от немощи, были крепки на войне, прогоняли полки чужих; жены получали умерших своих воскресшими; иные же замучены были, не приняв освобождения, дабы получить лучшее воскресение; другие испытали поругания и побои, а также узы и темницу, были побиваемы камнями, перепиливаемы, подвергаемы пытке, умирали от меча, скитались в милотях и козьих кожах, терпя недостатки, скорби, озлобления; те, которых весь мир не был достоин, скитались по пустыням и горам, по пещерам и ущельям земли. И все сии, свидетельствованные в вере, не получили обещанного, потому что Бог предусмотрел о нас нечто лучшее, дабы они не без нас достигли совершенства. Посему и мы, имея вокруг себя такое облако свидетелей, свергнем с себя всякое бремя и запинающий нас грех и с терпением будем проходить предлежащее нам поприще, взирая на начальника и совершителя веры Иисуса.

К Коринфянам послание св.апостола Павла (гл. 4:6–15)может быть пропущено [Предтечи]:
Братия, Бог, повелевший из тьмы воссиять свету, озарил наши сердца, дабы просветить нас познанием славы Божией в лице Иисуса Христа. Но сокровище сие мы носим в глиняных сосудах, чтобы преизбыточная сила была приписываема Богу, а не нам. Мы отовсюду притесняемы, но не стеснены; мы в отчаянных обстоятельствах, но не отчаиваемся; мы гонимы, но не оставлены; низлагаемы, но не погибаем. Всегда носим в теле мертвость Господа Иисуса, чтобы и жизнь Иисусова открылась в теле нашем. Ибо мы живые непрестанно предаемся на смерть ради Иисуса, чтобы и жизнь Иисусова открылась в смертной плоти нашей, так что смерть действует в нас, а жизнь в вас. Но, имея тот же дух веры, как написано: я веровал и потому говорил, и мы веруем, потому и говорим, зная, что Воскресивший Господа Иисуса воскресит через Иисуса и нас и поставит перед Собою с вами. Ибо всё для вас, дабы обилие благодати тем большую во многих произвело благодарность во славу Божию.

ЕВАНГЕЛИЕ от Иоанна (глава 1:43–51) [рядовое]:
В то время восхотел Иисус идти в Галилею, и находит Филиппа и говорит ему: иди за Мною. Филипп же был из Вифсаиды, из одного города с Андреем и Петром. Филипп находит Нафанаила и говорит ему: мы нашли Того, о Котором писали Моисей в законе и пророки, Иисуса, сына Иосифова, из Назарета. Но Нафанаил сказал ему: из Назарета может ли быть что доброе? Филипп говорит ему: пойди и посмотри. Иисус, увидев идущего к Нему Нафанаила, говорит о нем: вот подлинно Израильтянин, в котором нет лукавства. Нафанаил говорит Ему: почему Ты знаешь меня? Иисус сказал ему в ответ: прежде нежели позвал тебя Филипп, когда ты был под смоковницею, Я видел тебя. Нафанаил отвечал Ему: Равви! Ты Сын Божий, Ты Царь Израилев. Иисус сказал ему в ответ: ты веришь, потому что Я тебе сказал: Я видел тебя под смоковницею; увидишь больше сего. И говорит ему: истинно, истинно говорю вам: отныне будете видеть небо отверстым и Ангелов Божиих восходящих и нисходящих к Сыну Человеческому.

ЕВАНГЕЛИЕ от Матфея (гл.11:2–15) может быть пропущено [Предтечи]:
В то время Иоанн, услышав в темнице о делах Христовых, послал двоих из учеников своих сказать Ему: Ты ли Тот, Который должен прийти, или ожидать нам другого? И сказал им Иисус в ответ: пойдите, скажите Иоанну, что слышите и видите: слепые прозревают и хромые ходят, прокаженные очищаются и глухие слышат, мертвые воскресают и нищие благовествуют; и блажен, кто не соблазнится о Мне. Когда же они пошли, Иисус начал говорить народу об Иоанне: что смотреть ходили вы в пустыню? трость ли, ветром колеблемую? Что же смотреть ходили вы? человека ли, одетого в мягкие одежды? Носящие мягкие одежды находятся в чертогах царских. Что же смотреть ходили вы? пророка? Да, говорю вам, и больше пророка. Ибо он тот, о котором написано: вот, Я посылаю Ангела Моего пред лицом Твоим, который приготовит путь Твой пред Тобою. Истинно говорю вам: из рожденных женами не восставал больший Иоанна Крестителя; но меньший в Царстве Небесном больше его. От дней же Иоанна Крестителя доныне Царство Небесное силою берется, и употребляющие усилие восхищают его, ибо все пророки и закон прорекли до Иоанна. И если хотите принять, он есть Илия, которому должно прийти. Кто имеет уши слышать, да слышит!

После́дование Неде́ли Торжества́ Правосла́вия
После Литургии совершается Последование Недели Православия:
Бог Господь, и явися нам, благословен грядый во имя Господне

Тропарь, глас 4:
Благода́рни су́ще недосто́йнии раби́ Твои́, Го́споди,/ о Твоих вели́ких благодея́ниих, на нас бы́вших,/ сла́вяще Тя, хва́лим, благослови́м, благодари́м, пое́м и велича́ем Твое́ благоутро́бие,/ и ра́бски любо́вию вопие́м Ти:// Благоде́телю, Спа́се наш, сла́ва Тебе́.
СЛАВА: Тропа́рь, глас 3:
Твои́х благодея́ний и даро́в ту́не,/ я́ко раби́ непотре́бнии, сподо́бльшеся, Влады́ко,/ к Тебе́ усе́рдно притека́юще,/ благодаре́ние по си́ле прино́сим/ и Тебе́ я́ко Благоде́теля и Творца́ сла́вяще, вопие́м:// сла́ва Тебе́, Бо́же Преще́дрый.

И НЫНЕ:Богоро́дичен, глас 4:
Я́коже вы́шния тве́рди благоле́пие,/ и ни́жнюю споказа́л еси́ красоту́ свята́го селе́ния сла́вы Твоея́, Го́споди,/ утверди́ сие́ во век ве́ка/ и приими́ на́ша в нем непреста́нно приноси́мая Тебе́ моле́ния, Богоро́дицею,// всех Животе́ и Воскресе́ние.

Прокимен, глас 4: Насажде́ни в дому́ Госпо́дни,/ во дво́рех Бо́га на́шего процвету́т.
Стих: Весели́теся, пра́веднии, о Го́споде, пра́вым подоба́ет похвала́.

К Римлянам послание святого апостола Павла (гл.16:17–20)
Братия, умоляю вас, остерегайтесь производящих разделения и соблазны, вопреки учению, которому вы научились, и уклоняйтесь от них; ибо такие люди служат не Господу нашему Иисусу Христу, а своему чреву, и ласкательством и красноречием обольщают сердца простодушных. Ваша покорность вере всем известна; посему я радуюсь за вас, но желаю, чтобы вы были мудры на добро и просты на зло. Бог же мира сокрушит сатану под ногами вашими вскоре. Благодать Господа нашего Иисуса Христа с вами. Аминь.

ЕВАНГЕЛИЕ от Матфея (глава 18:10–20)
Сказал Господь: смотрите, не презирайте ни одного из малых сих; ибо говорю вам, что Ангелы их на небесах всегда видят лице Отца Моего Небесного. Ибо Сын Человеческий пришел взыскать и спасти погибшее. Как вам кажется? Если бы у кого было сто овец, и одна из них заблудилась, то не оставит ли он девяносто девять в горах и не пойдет ли искать заблудившуюся? и если случится найти ее, то, истинно говорю вам, он радуется о ней более, нежели о девяноста девяти незаблудившихся. Так, нет воли Отца вашего Небесного, чтобы погиб один из малых сих. Если же согрешит против тебя брат твой, пойди и обличи его между тобою и им одним; если послушает тебя, то приобрел ты брата твоего; если же не послушает, возьми с собою еще одного или двух, дабы устами двух или трех свидетелей подтвердилось всякое слово; если же не послушает их, скажи церкви; а если и церкви не послушает, то да будет он тебе, как язычник и мытарь. Истинно говорю вам: что вы свяжете на земле, то будет связано на небе; и что разрешите на земле, то будет разрешено на небе. Истинно также говорю вам, что если двое из вас согласятся на земле просить о всяком деле, то, чего бы ни попросили, будет им от Отца Моего Небесного, ибо, где двое или трое собраны во имя Мое, там Я посреди них.

Песнь свято́го Амвро́сия Медиола́нского:
Тебе́, Бо́га, хва́лим,/ Тебе́ Го́спода испове́дуем,/ Тебе́ Преве́чнаго Отца́ вся земля́ велича́ет;/ Тебе́ вси А́нгели,/ Тебе́ Небеса́ и вся Си́лы,/ Тебе́ Херуви́ми и Серафи́ми непреста́нными гла́сы взыва́ют:/ Свят, Свят, Свят Госпо́дь Бог Савао́ф,/ по́лны суть Небеса́ и земля́ вели́чества сла́вы Твоея́./ Тебе́ пресла́вный апо́стольский лик,/ Тебе́ проро́ческое хвале́бное число́,/ Тебе́ хва́лит пресве́тлое му́ченическое во́инство./ Тебе́ по всей вселе́нней испове́дует Свята́я Це́рковь,/ Отца́ непостижи́маго вели́чества,/ покланя́емаго Твоего́ и́стиннаго и Единоро́днаго Сы́на,/ и Свята́го Уте́шителя Ду́ха./ Ты, Царю́ сла́вы, Христе́,/ Ты Отца́ Присносу́щный Сын еси́./ Ты, ко избавле́нию прие́мля челове́ка,/ не возгнуша́лся еси́ Деви́ческаго чре́ва./ Ты, одоле́в сме́рти жа́ло,/ отве́рзл еси́ ве́рующим Ца́рство Небе́сное./ Ты одесну́ю Бо́га седи́ши во сла́ве О́тчей,/ Судия́ приити́ ве́ришися./ Тебе́ у́бо про́сим:/ помози́ рабо́м Твои́м,/ и́хже честно́ю Кро́вию искупи́л еси́./ Сподо́би со святы́ми Твои́ми в ве́чной сла́ве Твое́й ца́рствовати./ Спаси́ лю́ди Твоя́, Го́споди,/ и благослови́ достоя́ние Твое́,/ испра́ви я́, и вознеси́ их во ве́ки:/ во вся дни благослови́м Тебе́,/ и восхва́лим и́мя Твое́ во век, и во век ве́ка./ Сподо́би, Го́споди, в день сей без греха́ сохрани́тися нам./ Поми́луй нас, Го́споди, поми́луй нас,/ бу́ди ми́лость Твоя́, Го́споди, на нас,/ я́коже упова́хом на Тя./ На Тя, Го́споди, упова́хом,// да не постыди́мся во ве́ки. Ами́нь.

КАНОН - Неделя ТОРЖЕСТВА ПРАВОСЛАВИЯ, глас 4 - 2014-03-08

Версия для печати

Тэги: Великий пост 







Код для размещения ссылки на данный материал:


Как будет выглядеть ссылка:
 
Реклама
Изготовление куполов, крестов Сталь с покрытием нитрид титана под золото, медь, синий. От 2000 руб. за м2 www.t2000.ru
Знаете ли вы Москву? Какая улица в столице самая длинная, где растут самые старые деревья, кто изображен на памятнике сырку «Дружба», откуда взялось название Девичье поле и в какой стране находится село Москва? Ученье — свет Приближается 1 сентября, день, дети снова пойдут в школу. Знаем ли мы, как и чему учились наши предки, какие у них были школы, какие учителя? Крещение Руси День Крещения Руси пока что не объявлен государственным праздником. Однако этот поворотный момент в истории России изменил русскую государственность, культуру, искусство, ментальность и многое другое. Счастливые годы последней императорской семьи Мы больше знаем о мученическом подвиге и последних днях жизни этой семьи, чем о том, что предшествовало этому подвигу. Как и чем жила августейшая семья тогда, когда над ней не тяготела тень ипатьевского дома, когда еще живы были традиции и порядки аристократической императорской России? Русские святые Кто стал прототипом героя «Братьев Карамазовых»? В честь кого из русских святых назвали улицу на острове Корфу? Кто из наших преподобных не кормил медведя? Проверьте, знаете ли вы мир русской святости, ответив на вопросы нашей викторины Апостолы Петр и Павел: рыбак и фарисей Почему их память празднуется в один день, где был раскопан дом Петра, какие слова из послания к Солунянам стали советским лозунгом и кто был Павел по профессии. 400-летие дома Романовых: памятные места Ко дню России предлагаем викторину о царской династии Романовых. Династия Романовых и благотворительность В год 400-летия воцарения в России династии Романовых вспоминаем служение царей и цариц делам милосердия. Пасха Зачем идет крестный ход — знаете? А откуда пошел обычай красить яйца? А когда отменяются земные поклоны? Кто написал канон «Воскресения день»? Великий пост Проверьте себя, хорошо ли вы знаете постное богослужение. Сретение Рождественская викторина
Читайте также:






Новости милосердия.ru
 
       
     
 
  Яндекс цитирования



 
Перепечатка материалов сайта в интернете возможна только при наличии активной гиперссылки на сайт журнала «Нескучный сад».
Перепубликация в печатных изданиях возможна только с письменного разрешения редакции.